Nënkampioni i Kosovës, Ballkani, ka zyrtarizuar sot afrimin e portierit me përvojë Adnan Golubovic, i cili vjen nga klubi rumun Dinamo Bukureshti.
Golubovic, i njohur për paraqitjet e tij në disa kampionate evropiane, pritet të sjellë siguri dhe stabilitet në portën e skuadrës suharekase, raporton “Kërlaçki”.
Nga ana e klubit, Ballkani ka theksuar se ky transferim është pjesë e synimeve për të ngritur edhe më shumë nivelin e skuadrës dhe për të vazhduar rrugëtimin drejt objektivave të mëdha.
“Objektivi ynë është i qartë: të synojmë më lart, së bashku!” – thuhet në njoftimin e klubit.
Golubovic është përshëndetur me mirëseardhje në “qytetin e kampionëve” nga klubi portokalli, që pritet të përforcohet edhe me disa emra tjerë cilësorë në këtë merkato vere.
