Santiago Gimenez ka bërë një gjest të veçantë në ndeshjen që Milani e fitoi 2:0 ndaj Lecce-s në Serie A.
Sulmuesi meksikan realizoi gol dhe e festoi duke treguar fanellën e bashkëlojtarit të tij, Ardon Jashari.
Mesfushori shqiptar pritet të mungojë për një periudhë prej 6 deri në 8 javë, pasi pësoi një lëndim gjatë stërvitjes pas një ndërhyrjeje të fortë pikërisht nga Gimenez.
Për këtë arsye, sulmuesi vendosi t’ia dedikonte golin shokut të skuadrës.
Megjithatë, festimi nuk zgjati shumë pasi goli i Gimenez u anulua nga sistemi VAR për shkak të një pozicioni jashtë loje.
Pavarësisht kësaj, gjesti i tij u mirëprit dhe u pa si shenjë solidariteti ndaj mesfushorit
Në fund, Milani arriti të marrë tri pikë të rëndësishme duke fituar 2:0.
