Kampioni i Italisë, Napoli, ka siguruar tre pikë të arta në javën e dytë të Serie A, falë një goli të shënuar në sekondat e fundit të takimit ndaj Cagliarit.
Mesfushori kamerunas Frank Anguissa u bë heroi i ndeshjes, duke realizuar në minutën e 95-të pas një asistimi të saktë nga Alessandro Buongiorno. Goli i tij vulosi fitoren minimale 1-0 në stadiumin “Diego Armando Maradona”, duke shpërthyer entuziazmin e tifozëve napolitanë.
Pas triumfit 2-0 në javën hapëse ndaj Sassuolos, ky sukses e mban Napolin me ecuri perfekte në fillimin e sezonit të ri, duke treguar se mbrojtja e titullit do të jetë prioriteti i madh i skuadrës së trajnerit Conte.
🎥 Frank Anguissa has given +3 points to Napoli in stoppage times
🇮🇹 Napoli 1-0 Cagliaripic.twitter.com/PdK6ggAE9i
— Goals Xtra (@GoalsXtra) August 30, 2025
Seria A – Java 2
Napoli 1-0 Cagliari
Pisa 0-1 AS Roma
Bologna 1-0 Como
Parma 1-1 Atalanta
Lecce 0-2 AC Milan
Cremonese – Sassuolo
Genoa – Juventus (31.08, 18:30)
Torino – Fiorentina (31.08, 18:30)
Inter – Udinese (31.08, 20:45)
Lazio – Verona (31.08, 20:45)
