Mesfushori Ylber Ramadani nuk do të jetë pjesë e grumbullimit të Kombëtares shqiptare për dy ndeshjet e shtatorit, ka bërë të ditur FSHF-ja të dielën.
Ramadani, një prej lojtarëve më të rëndësishëm të kuqezinjve, nuk do të mund të përfaqësojë ekipin për shkak të problemeve shëndetësore.
Shqipëria do të luajë më 4 shtator një miqësore ndaj Gjibraltarit, ndërsa më 9 shtator do të përballet me Letoninë në ndeshjen kualifikuese për Kupën e Botës 2026.
Sipas njoftimit të FSHF-së, “Futbollisti ka pasur një infeksion të përsëritur të laringut, i cili kërkon pushim disa ditë dhe terapi me antibiotikë. Për këtë arsye, ai nuk do të jetë në gjendje të përgjigjet thirrjes së Kombëtares”.
