Tifozët e Ferizajt, të njohur si “Ujqit”, dërguan një mesazh thumbues në udhëtimin e tyre ndaj Prishtinës së Re.
“Klubet pa traditë s’kanë vend në elitë” ishte pankarta e vendosur në tribunë, një shigjetë jo vetëm për kundërshtarin e së dielës, por edhe për disa projekte të tjera të klubeve të reja në Superligën e Kosovës, shkruan “Kërlaçki.com”.
Vitet e fundit, elita e futbollit kosovar është karakterizuar nga shfaqja e skuadrave të reja. Së fundmi Suhareka – një klub që “brenda natës” gjeti veten në Superligë – e që u largua shpejtë pa lënë gjurmë.
Ferizajasit udhëtuan në numër të konsiderueshëm drejt Lipjanit, ku ndeshja u zhvillua në stadiumin “Sami Kelmendi”.
Mbështetja e tyre u shpërblye me fitore, pasi Ferizaj triumfoi 1-0 ndaj Prishtinës së Re, falë autogolit të Elvis Prencit.
